అక్కినేని ఇంటి కోడలు, టాలీవుడ్ హీరోయిన్ సమంతకు మరో మూవీ ఛాన్స్ వచ్చింది. నిజానికి ఆమెకు పెళ్లి తర్వాతే మంచి ఆఫర్లు వస్తున్నాయి. తాజాగా ఆర్ఎక్స్100 చిత్ర దర్శకుడు అజయ్ భూపతి నిర్మించనున్న చిత్రంలో ఛాన్స్ కొట్టేసింది.
ఈ ప్రాజెక్టుకు ఆయన ‘మహా సముద్రం’ అనే పేరును ఖరారు చేశారు. మల్టీ స్టారర్‌గా రానున్న ఈ సినిమాలో లీడ్ రోల్ కోసం హీరోయిన్ సమంతను ఎంపిక చేయాలని ఫిక్స్ అయ్యాడట. ఇటీవలే అజయ్ సమంతతో ఈ విషయమై సంప్రదింపులు కూడా జరిపినట్లు ఫిలింనగర్‌లో వార్తలు చక్కర్లు కొడుతున్నాయి.
ఈ ప్రాజెక్టులో బెల్లంకొండ సాయి శ్రీనివాస్‌తోపాటు మరో యువ హీరో కూడా నటించనున్నట్లు టాక్. విశాఖపట్నం నుంచి జరుగుతున్న అక్రమ రవాణాల నేపథ్యంలో ‘మహా సముద్రం’ కథ కొనసాగనున్నట్లు తెలుస్తోంది. అయితే అజయ్ భూపతి ఈ చిత్రం గురించి అధికారికంగా ప్రకటించే వరకు వెయిట్ చేయాలి మరి.
కాగా, బాక్సాఫీస్ వద్ద బంపర్ హిట్ కొట్టిన ఆర్ఎక్స్100 చిత్రంలో నటించిన హీరోయిన్ పాయల్ రాజ్‌పుత్ ఆకాశమే హద్దుగా చెలరేగిపోయింది. అందాలను ఆరబోయడం మొదలుకుని లిప్‌లాక్ ముద్దుల్లో మునిగితేలింది. ఆ విధంగా ఆమెతో సన్నివేశాలను దర్శకుడు అజయ్ భూపతి తీయించాడు. ఇపుడు సమంతను దర్శకుడు ఆ రేంజ్‌లో చూపిస్తారా లేదా అన్నది తెలియాల్సివుంది.
