ఆస్ట్రేలియా క్రికెటర్ డేవిడ్ వార్నర్ ఐపీఎల్ 2019 సీజన్‌‍లో అదరగొట్టాడు. కోల్కతా ఈడెన్ గార్డెన్స్ లో హైదరాబాద్ సన్ రైజర్స్, కోల్కతా నైట్ రైడర్స్ జట్ల మధ్య మ్యాచ్‌లో వార్నర్ కేవలం 53 బంతుల్లో 85 పరుగులు చేశాడు. అతడి స్కోరులో 9 ఫోర్లు, 3 సిక్సులున్నాయి. సంవత్సరం పాటు క్రికెట్‌కు దూరంగా వున్నప్పటికీ ఐపీఎల్‌లో తన సత్తా చాటాడు.
కాగా.. బాల్ టాంపరింగ్‌కు పాల్పడినట్టు తేలడంతో ఏడాది నిషేధానికి గురైనా ఆ ఛాయలేమీ కనిపించకుండా, తాజాగా ఐపీఎల్‌లో కోల్ కతా నైట్ రైడర్ బౌలర్లను ఊచకోత కోశాడు. నిషేధం ప్రభావం తనపై ఎంతమాత్రం లేదని చాటుతూ బంతిని బౌండరీలు దాటించాడు. ఈ మ్యాచ్‌లో తొలుత బ్యాటింగ్ చేసిన సన్ రైజర్స్ వార్నర్ చలవతో 3 వికెట్లకు 181 పరుగులు చేసింది.
